Ցավոք սրտի, խորհրդակցությունն արդյունք չտվեց, և կողմերը չկարողացան պայմանավորվել կոնկրետ թեկնածուի շուրջ։ Ասում եմ՝ չկարողացան համաձայնել, քանի որ մենք սպասում էինք, որ «Ազգային շարժումը», «Վրացական երազանքը» և այն կուսակցությունները, որոնք առաջադրել էին թեկնածուներ, կհամաձայնվեին,- այս մասին հայտարարել է «Մոքալաքեեբի» կուսակցության անդամ Լևան Իոսելիանին։

Իոսելիանիի խոսքով՝ իր թիմի դիրքորոշումն է՝ օգնել կողմերին հնարավորինս մոտեցնել իրենց դիրքորոշումները։

«Մենք ֆավորիտ ու կարկառուն թեկնածու չունենք, բայց քվեարկության ժամանակ կոնկրետ մարդկանց օգտին որոշում կկայացնենք։ Հիմա այդ մասին նախապես չենք կարող ասել։ Ցավալի է, որ ի վերջո այս բանակցությունները փակուղի են մտել այս փուլում։ Կտեսնենք՝ քվեարկությանը հաշված օրեր են մնացել, այլ բան կփոխվի՞, բայց, ճիշտն ասած, առանձնապես հույս չունեմ։ Ոչ բոլոր թեկնածուներն են ունենալու իմ աջակցությունը, դա կունենա կոնկրետ թեկնածուն կամ թեկնածուները։ «Վրացական երազանքը» չի կարող իմ միջոցով թեկնածուներին հանել: Թե ում եմ սատարելու, ում չեմ սատարելու, կտեսնեք քվեարկության օրը։ Ցավոք սրտի, կարմիր գծերը, այն, ինչ ասվել է երեք թեկնածուների առնչությամբ, իսկ մյուս կողմից չեն դիտարկել մյուսներին, այս դիրքորոշումները չեն փոխվել»,- ասաց Իոսելիանին: