Լևան Իոսելիանի. Ես ողջունում եմ Նիկա Գվարամիային ներում շնորհելու նախագահի որոշումը, այսօր մենք ավելի մոտ ենք Եվրոպային
Վրաստանի ժողովրդական պաշտպան Լևան Իոսելիանին արձագանքել է նախագահի կողմից «Մթավարի» հեռուստաընկերության գլխավոր տնօրեն Նիկա Գվարամիային ներում շնորհելուն։
«Ես ողջունում եմ Նիկա Գվարամիային ներում շնորհելու նախագահ Զուրաբիշվիլիի որոշումը։ Այսօր մենք ավելի մոտ ենք Եվրոպային»,- սոցցանցում գրել է Լեւան Իոսելիանին։
Վրաստանի նախագահ Սալոմե Զուրաբիշվիլին ներում է շնորհել Նիկա Գվարամիային:
2022 թվականի մայիսի 16-ին Թբիլիսիի քաղաքային դատարանը Նիկա Գվարամիային դատապարտել է երեք տարի վեց ամիս ազատազրկման՝ «Ռուսթավի 2» հեռուստաընկերության ղեկավարության ժամանակ պաշտոնեական լիազորությունները չարաշահելու գործով։ 2022 թվականի նոյեմբերի 2-ին Վերաքննիչ դատարանը չի փոխել Նիկա Գվարամիայի ազատազրկման վերաբերյալ որոշումը։ Փաստաբանները վճիռը բողոքարկել են Գերագույն դատարան։ Գերագույն դատարանը Գվարամիայի գործը չի ընդունել քննության։