Խորհրդարանի փոխխոսնակ Լեւան Իոսելիանին գնահատեց «Ազգային շարժման» երեկվա հայտարարությունը հանրահավաքների վերաբերյալ։

Հայտարարության մեջ ասվում է, որ կուսակցության ղեկավարությունն իր վրա է վերցնում ամբողջ պատասխանատվությունը այն հիվանդանոցի դրսում կամ մոտակայքում, որտեղ կտեղափոխվի նախագահ Սաակաշվիլին, բողոքի ակցիաներ չանցկացնելու համար։

Լեւան Իոսելիանիի խոսքով, լավ կլիներ, որ կուսակցությունն այս հայտարարությունն աներ փակուղի մտնելուց առաջ։

«Լավ կլիներ, որ առաջին օրերին այս հայտարարությունն անեին, ու գործընթացները փակուղի չմտնեին։ Ինչ վերաբերում է բողոքի ակցիաներին, ինձ դուր չի գալիս դրանց դրամատիզմը կամ բովանդակությունը, քանի որ մենք տեսնում ենք, որ 20-30 հոգի տարբեր տեղերում կռվում են ոստիկանների հետ, ինչը կազմակերպված ակցիա չէ, որտեղ իսկապես կարելի է ստիպել զիջել իշխանությանը։ «Ազգային շարժումը» պետք է որոշի, թե ինչպիսի հանրահավաքներ կանի, բայց կարծում եմ, որ նման ձևերը քաղաքացիների համար և՛ անընդունելի են, և՛ անհասկանալի։ Իմ կարծիքով այս ամենը մարդկանց շատ է հոգնեցրել։ Նրանց դիրքորոշումն այն է, որ Միխեիլ Սաակաշվիլիին պետք է տեղափոխեն քաղաքացիական կլինիկա, և անհասկանալի է, թե ինչի համար են ձերբակալությունները, հեռարձակումները, չորս պատուհանում դիտելը»,- ասել է Իոսելիանին։