Թուրքմենստանի հետ ստորագրվել է տրանսպորտի ոլորտում համագործակցության համաձայնագիր, որը թույլ է տալիս ուղիղ չվերթներ իրականացնել դեպի Աշխաբադ, ինչը կնպաստի տնտեսական հարաբերությունների հետագա խորացմանը,- Թուրքմենստանում ասել է փոխվարչապետ, էկոնոմիկայի և կայուն զարգացման նախարար Լևան Դավիթաշվիլին։

Նրա խոսքով, Թուրքմենստանը շահագրգռված է օգտագործել Վրաստանի միջանցքը, սա հնարավորություն է լրացուցիչ բեռնաշրջանառությունն ավելացնելու, խոսքը մի քանի միլիոն տոննա լրացուցիչ բեռնահոսքի մասին է։

«Երկկողմ հանդիպման ընթացքում մենք քննարկել ենք տնտեսության մեջ համագործակցության տարբեր ոլորտներ։ Ստորագրվել է նաև տրանսպորտի ոլորտում համագործակցության պայմանագիր, որը թույլ կտա ուղիղ չվերթներ իրականացնել Աշխաբադի հետ, ինչը կնպաստի տնտեսական հարաբերությունների հետագա խորացմանը։ Թուրքմենստանը Վրաստանի համար կարևոր առևտրային գործընկեր է: Մենք քննարկել ենք առեւտրային հարաբերությունների խորացման հնարավորությունները։ Թուրքմենստանը զգալի քիմիական արդյունաբերություն ունեցող երկիր է, որը շահագրգռված է օգտագործել վրացական միջանցքը։ Խոսեցինք նաև էներգետիկայի ոլորտում համագործակցության մասին։ Այսօր Թուրքմենստանը նավթ և նավթաքիմիական ապրանքներ է ուղարկում Վրաստան, սակայն այստեղ խոսքը Վրաստան էժան էներգառեսուրսներ ներկրելու մասին է, և մեր նախարարությունը հետագայում մեր գործընկերների հետ կաշխատի այդ հարցով»,- ասել է Լևան Դավիթաշվիլին։