Կառավարության որոշմամբ Քութայիսիի «Հուալինգ» ազատ արդյունաբերական գոտին ընդլայնվելու է մի քանի հեկտարով։ Համապատասխան պայմանագիրը ստորագրվել է էկոնոմիկայի և կայուն զարգացման նախարարության և «Հուալինգ» ընկերության միջև։

Ըստ էկոնոմիկայի նախարարության՝ համաձայնագրի ստորագրումից հետո էկոնոմիկայի և կայուն զարգացման նախարար Լևան Դավիթաշվիլին ասել է, որ «Հուալինգ» Քութայիսի արդյունաբերական գոտու ընդլայնումը թույլ կտա ընկերությանը լրացուցիչ ներդրումներ կատարել և հարյուրավոր քաղաքացիների աշխատանքի տեղավորել։

«Մեզ համար շատ կարեւոր է ժամանակակից արդյունաբերական գոտու հիմնումը, որտեղ բոլոր պայմանները կստեղծվեն լրացուցիչ ներդրումներ ներգրավելու եւ բնակչությանը աշխատանքի տեղավորելու համար։ Ընկերությունը պարտավորվում է մի քանի միլիոնի հավելյալ ներդրում կատարել այս ենթակառուցվածքը կազմակերպելու և մոտակա տարիներին հարյուրավոր մարդկանց աշխատանքի տեղավորելու համար»,- ասել է Լևան Դավիթաշվիլին։

Ընդլայնման արդյունքում կստեղծվի լրացուցիչ ենթակառուցվածք, որը կօգնի տեղացի և օտարերկրյա ներդրողներին կարճ ժամանակահատվածում ստեղծել ձեռնարկատիրական վերամշակման տարբեր նախագծեր կամ պահեստային տնտեսություններ։