Ղազախստանի Հանրապետություն կատարած այցի շրջանակներում մենք ստորագրեցինք մի քանի համաձայնագրեր, որոնք էլ ավելի կխորացնեն Վրաստանի և Ղազախստանի միջև տնտեսական հարաբերությունները,- Ղազախստանում ասել է փոխվարչապետ, էկոնոմիկայի և կայուն զարգացման նախարար Լևան Դավիթաշվիլին։

Նրա խոսքով, Ղազախստանի հետ ստորագրվել է առեւտրաշրջանառության նոմենկլատուրայի մասին համաձայնագիր, որը կնպաստի Ղազախստանի եւ Վրաստանի միջեւ ապրանքաշրջանառության աճին։

«Այցի շրջանակներում մենք ստորագրեցինք մի քանի համաձայնագրեր, որոնք էլ ավելի կխորացնեն Վրաստանի և Ղազախստանի միջև տնտեսական հարաբերությունները։ Նախ՝ դա առնչվում էր ապրանքաշրջանառության նոմենկլատուրայի մասին համաձայնագրին, որը կնպաստի Ղազախստանի և Վրաստանի միջև ապրանքաշրջանառության աճին։ Մենք պայմանավորվեցինք նաև տեղեկատվական տեխնոլոգիաների և նորարարությունների ոլորտում համագործակցության մասին։ Համաձայնագիր է ստորագրվել նաև երկու երկրների երկաթուղիների միջև երկաթուղային բեռնափոխադրումների խթանման և համագործակցության մասով, և, իհարկե, սա Վրաստանի և Ղազախստանի համագործակցության ուղղությամբ կարևոր, հիմնական հարցերից է՝ տարանցիկ հոսքեր, հատկապես հաշվի առնելով ներկա իրավիճակը, Վրաստանի միջանցքը առանձնահատուկ նշանակություն է ստանում, և Վրաստանով հետաքրքրված են ոչ միայն Ղազախստանը, այլ նաև Կենտրոնական Ասիայի այլ երկրներ։ Զրույցն անդրադարձել է նաև Բաթումիում առկա ենթակառուցվածքների բարելավմանն ու արդիականացմանը, որպեսզի Վրաստանը կարողանա ավելի շատ թանկարժեք բեռներ տեղափոխել»,- ասել է Լևան Դավիթաշվիլին։

Լևան Դավիթաշվիլիի մեկնաբանությունը տարածում է Վրաստանի վարչապետի մամուլի ծառայությունը։