Մեր աշխարհաքաղաքական իրավիճակն այնպիսին է, որ մեր արևմտյան գործընկերներն ավելի շատ խոսում են Վրաստանի անվտանգության մասին և կոչ անում Ռուսաստանին դուրս բերել զորքերը Լուգանսկից, Դոնեցկից, Վրաստանից, իսկ Վրաստանն այս ֆոնին լուռ է,- այս մասին հայտարարել է պատգամավոր Լևան Բեժաշվիլին, ով արձագանքել է Լեհաստանի և Վրաստանի նախագահների հանդիպմանը:

Պատգամավորի խոսքով, Լեհաստանի նախագահի ժամանումը Վրաստան պետք է դիտարկել հենց այս համատեքստում։

«Վրաստանի կառավարության դիրքորոշումն անհասկանալի է։ Նրանք չեն բարձրաձայնում Վրաստանի շահերը: Սա այն դեպքում, երբ ամբողջ աշխարհը կանգնած է Ուկրաինայի կողքին և Ուկրաինայի հետ միասին դիտարկում է Վրաստանի անվտանգությունը։ Մենք տեսնում ենք, որ Վրաստանի կառավարությունը բացարձակ պասիվ է այս ֆոնին», – ասել է Բեժաշվիլին։