Այն միտումը, որ կուսակցությունը լքելուց հետո սկսում ես քննադատել կուսակցությանը, անընդունելի է, չարդարացված, Վրաստանի Առաջին ալիքին ասել է «Ազգային շարժման» անդամ Լեւան Բեժաշվիլին։

Բեժաշվիլին պատասխանել է ընդդիմադիր պատգամավոր Ռոման Գոցիրիձեի ֆեյսբուքյան գրառմանը, որտեղ Գոցիրիձեն ասում է, որ «Ազգային շարժման» գլխավոր խնդիրը, սխալների հիմնական պատճառը միշտ եղել է այն, որ կուսակցությունում երբեք որոշումներ չեն կայացվել։

Լեւան Բեժաշվիլիի խոսքով՝ այժմ նման հայտարարությունների ժամանակը չէ։

«Կուսակցությունում ստվերային կառավարություն չկա, հատկապես արտահերթ նիստի հարցը թյուրիմացություն էր։ Ուստի, նման հայտարարությունների ժամանակը չէ, և մենք պետք է զբաղվենք այն աշխատանքով, որը մեզ հանձնարարում է խորհրդարանական մանդատը»,- ասել է Բեժաշվիլին։