Լեհաստանի արտաքին գործերի նախարարը հայտարարում է, որ չի մասնակցի Սկոպյեում կայանալիք ԵԱՀԿ նախարարական նիստին՝ հանդիպմանը Սերգեյ Լավրովի մասնակցության պատճառով։

Այսօր Հյուսիսային Մակեդոնիայի մայրաքաղաքում մեկնարկում է նախարարների երկօրյա հանդիպումը։

Ինչպես ասուլիսում հայտարարեց Լեհաստանի արտաքին գործերի նոր նախարար Շիմոն Շինկովսկին, ինքը բոյկոտում է հանդիպումը Լավրովի մասնակցության պատճառով։ Նրա պարզաբանմամբ՝ Ռուսաստանը ագրեսոր երկիր է, որը պատասխանատու է պատերազմական հանցագործությունների համար, և իր համար անընդունելի է, որ այս երկրի արտգործնախարարը մասնակցի խաղաղության և անվտանգության ամրապնդմանը միտված հանդիպմանը։

Լավրովի մասնակցության պատճառով Բալթյան երկրների և Ուկրաինայի արտաքին գործերի նախարարները չեն մասնակցի ԵԱՀԿ նախարարական հանդիպմանը։