Լեհաստանի արտաքին գործերի նախարարությունում ասում են, որ ֆերմերների ցույցերի ժամանակ հակաուկրաինական կարգախոսներ են հայտնվել, որոնք կարող էին կանգնած լինել ռուսական հետախուզության աշխատակիցների թիկունքում
Լեհաստանի կառավարությունն ասում է, որ ֆերմերների հանրահավաքին կարող են հայտնվել ռուս գործակալներ։ Այս մասին տեղեկություն է տարածում «Deutsche Welle»-ն։
Ինչպես նշվում է Լեհաստանի արտաքին գործերի նախարարության հայտարարության մեջ, ֆերմերների գործողությունների ժամանակ ի հայտ են եկել հակաուկրաինական կարգախոսներ, որոնց հետևում կարող են կանգնած լինել ռուսական հետախուզական ծառայության աշխատակիցները։
«Մեր գնահատմամբ՝ հակաուկրաինական կարգախոսները, որոնք ի հայտ եկան ֆերմերների շրջափակման ժամանակ, փորձ է վերահսկել բողոքի շարժումը խմբերի կողմից, որոնք գտնվում են ռուսական հետախուզական ծառայության ազդեցության տակ», – ասվում է Լեհաստանի արտաքին գործերի նախարարության հայտարարության մեջ։
Փաստաթղթի համաձայն՝ կառավարությունը նաև խորը մտահոգություն է հայտնում այն փաստի առնչությամբ, որ ֆերմերների բողոքի ակցիաներին Պուտինին փառաբանող պաստառներ են հայտնվել։
