Լեհաստանի արտաքին գործերի նախարար Զբիգնև Ռաուն ավարտեց այցը Վրաստան։
Զբիգնև Ռաուին Թբիլիսիի միջազգային օդանավակայանից ուղեկցել է նրա վրացի գործընկերը՝ Իլիա Դարչիաշվիլին։ Մինչ այդ Վրաստանի և Լեհաստանի արտաքին գործերի նախարարները հարգանքի տուրք մատուցեցին Լեհաստանի նախագահ Լեխ Կաչինսկու հիշատակին և ծաղկեպսակ դրեցին նրա հուշակոթողին։
Լեհաստանի արտաքին գործերի նախարարը ապրիլի 26-28-ը այցով եղել է Վրաստանում։ Նա հանդիպումներ է ունեցել Վրաստանի արտգործնախարարության ղեկավար Իլիա Դարչիաշվիլիի հետ։
Զբիգնև Ռաուն հանդիպել է Վրաստանի վարչապետ Իրակլի Ղարիբաշվիլիի հետ։ Լեհ դիվանագետին ընդունել է Վրաստանի նախագահ Սալոմե Զուրաբիշվիլին։
Այցի շրջանակներում Լեհաստանի արտաքին գործերի նախարարը ծաղկեպսակ դրեց Վրաստանի միասնության համար մղվող պայքարում զոհված հերոսների հուշակոթողին։
Տեղեկությունը տարածում է Վրաստանի արտաքին գործերի նախարարության մամուլի ծառայությունը։