Լեհաստանը հինգշաբթի օրը կփակի Բելառուսի հետ բոլոր սահմանային անցակետերը՝ Բելառուսում Ռուսաստանի գլխավորությամբ անցկացվող զորավարժությունների պատճառով
Լեհաստանը հինգշաբթի օրը կփակի Բելառուսի հետ բոլոր սահմանային անցակետերը՝ Բելառուսում Ռուսաստանի գլխավորությամբ անցկացվող զորավարժությունների պատճառով, հայտարարել է Լեհաստանի կառավարությունը։
«Ուրբաթ օրը Բելառուսում՝ լեհական սահմանին շատ մոտ, կսկսվեն ռուս-բելառուսական զորավարժություններ, որոնք շատ ագրեսիվ են ռազմական դոկտրինի առումով։ Հետևաբար, ազգային անվտանգության համար մենք կփակենք Բելառուսի հետ սահմանը, այդ թվում՝ երկաթուղային անցումները», – կառավարության նիստում հայտարարել է Լեհաստանի վարչապետ Դոնալդ Տուսկը։
Ինչպես հաղորդում է Reuters-ը, Ռուսաստանի և Բելառուսի միջև անցկացվող լայնածավալ զորավարժությունները, որոնք հայտնի են որպես «Zapad», մտահոգություններ են առաջացրել Լեհաստանում, Լիտվայում և Լատվիայում։