Լեհ ֆերմերները փակել են Ուկրաինայի սահմանին գտնվող անցակետը
Լեհ ֆերմերները փակել են Ուկրաինայի սահմանին գտնվող «Մեդիկա Շեգին» անցակետը։ Այս մասին հայտնել է Պետական սահմանապահ ծառայությունը։
Սահմանափակումները վերաբերում են միայն բեռնատարներին և կարող են տևել առնվազն վեց ժամ։
Հանրահավաքը տեղի է ունենում լեհական անցակետից մեկ կիլոմետր հեռավորության վրա։
Լեհ ֆերմերները պահանջում են արգելել Ուկրաինայից գյուղատնտեսական արտադրանքի ներմուծումը, ինչպես նաև դեմ են Եվրոպայի գյուղատնտեսական քաղաքականությանը։