Լատվիայի պաշտպանության նախարար. Ռուսական բանակը կենտրոնացած է Ուկրաինայում, բայց սադրանքները միշտ էլ կարող են լինել, մենք պետք է պատրաստ լինենք սադրանքների ոչ միայն Վրաստանում, այլ նաև այլ երկրներում
Ուկրաինայում ագրեսիան պետք է դադարեցվի, որպեսզի Ռուսաստանն այլևս չսպառնա պատերազմ սկսել, – այս մասին Թուրքիայում Վրաստանի Առաջին ալիքին ասել է Լատվիայի պաշտպանության նախարար և փոխվարչապետ Արտիս Պաբրիկիսը։
Ինչպես նշել է Արտիս Պաբրիկիսը, պետք է բոլոր ջանքերը գործադրել Ուկրաինային օգնելու համար։
«Այժմ թվում է, որ ռուսական բանակն ամբողջությամբ կենտրոնացած է Ուկրաինայի վրա, և այս պահին կարծում եմ, որ նրանք հնարավորություն չունեն հարձակվել, օրինակ, Վրաստանի վրա, բայց սադրանքները միշտ էլ կարող են լինել, ուստի մենք պետք է պատրաստ լինենք տարբեր սադրանքների ոչ միայն Վրաստանում, այլ նաև այլ երկրներում: Ինչ վերաբերում է Վրաստանի հայտին ու եվրոպական ճանապարհին։ Դա երբեք հեշտությամբ չի ստացվում, դա ժամանակ է պահանջում, քանի որ Եվրամիությունը դանդաղ է գործում։ Պետք չէ հույսը կորցնել, անել այն ամենը, ինչ պետք է անեք, և մի օր անպայման կգա այս պահը», – ասել է Պաբրիկիսը:
