Լատվիայի նախագահ. Վրաստանը պետք է միանա Եվրամիության ընդհանուր արտաքին և անվտանգության քաղաքականությանը, ներառյալ Ռուսաստանի դեմ ԵՄ պատժամիջոցները
Լատվիայի նախագահ Էդգարս Ռինկևիչսը Վրաստանին կոչ է արել հետագա առաջընթաց գրանցել բարեփոխումների իրականացման գործում և կատարել ԵՄ թեկնածուի կարգավիճակի վերաբերյալ հանձնարարականները։ Այս մասին տեղեկությունը տարածել է Լատվիայի նախագահ Էդգարս Ռինկևիչսի վարչակազմը՝ Վրաստանի նախագահ Սալոմե Զուրաբիշվիլիի հետ հանդիպելուց հետո։
Լատվիայի նախագահի վարչակազմը նաև ընդգծում է, որ վրացիների բացարձակ մեծամասնությունը աջակցում է Վրաստանի անշրջելի առաջընթացին Եվրամիությանն անդամակցելու ուղղությամբ։
«Հաշվի առնելով վրացական հասարակության ակնկալիքները և եվրաինտեգրմանն ուղղված զգալի աջակցությունը՝ Վրաստանի քաղաքական ուժերը պետք է ամեն ինչ անեն, որպեսզի օգտագործեն պատմական հնարավորությունը՝ կատարելու Եվրամիության հանձնարարականները և ձեռք բերել թեկնածուի կարգավիճակ»,- ասել է նախագահը։
Միաժամանակ Ռինկեւիչսը նշել է, որ Վրաստանը պետք է միանա Եվրամիության ընդհանուր արտաքին եւ անվտանգության քաղաքականությանը, այդ թվում՝ Ռուսաստանի դեմ ԵՄ պատժամիջոցներին։
Վրաստանի նախագահ Սալոմե Զուրաբիշվիլին սեպտեմբերի 26-ին հանդիպել է Լատվիայի նախագահ Էդգարս Ռինկեւիչսի հետ։