Լատվիայի նախագահ Էգիլս Լևիցի խոսքով, երեկ ՆԱՏՕ-ի գագաթնաժողովում բացարձակ միաձայնություն է եղել, որ բաց դռների քաղաքականությունը կմնա։

Նրա խոսքով, այն պետությունները, որոնք ցանկանում են լինել պաշտպանական կազմակերպության անդամ, ողջունելի են։

Միաժամանակ, ինչպես նշել է Լատվիայի նախագահը, դաշինքի անդամները ուրախ են եղել, որ գագաթնաժողովին մասնակցում է Վրաստանի վարչապետ Իրակլի Ղարիբաշվիլին։

«Երեկ մենք քննարկել ենք եւ մեր միջեւ բացարձակ միակարծություն կար, որ բաց դռների քաղաքականությունը կմնա։ Ուրախ էինք նաև, որ երեկվա հանդիպմանը մասնակցում էր Վրաստանի վարչապետը։ Սա հստակ նշան է, որ մենք բաց ենք Վրաստանի համար։ Մենք բաց ենք նաև Ուկրաինայի համար: Այնպես որ, բաց դռների քաղաքականությունը ՆԱՏՕ-ի շատ կարևոր սկզբունք է, քանի որ ՆԱՏՕ-ն պաշտպանական միություն է, պաշտպանական կազմակերպություն, և մենք ողջունում ենք այն պետություններին, որոնք ցանկանում են լինել այս պաշտպանական կազմակերպության անդամ։ Երեկ որոշում է կայացվել նաև երկու նոր անդամների՝ Շվեդիայի և Ֆինլանդիայի վերաբերյալ։ Մենք ողջունում ենք Ֆինլանդիային և Շվեդիային մեր միությունում»,- ասել է Լատվիայի նախագահը։