«Վրացական երազանքի» ներկայացուցիչների կողմից Պետեր Ֆիշերի դեմ անհիմն մեղադրանքներն ու թշնամական լեզուն խորապես մտահոգիչ են, ասվում է Լատվիայի արտաքին գործերի նախարարության հայտարարության մեջ։

«Մենք աջակցում ենք դեսպան Պետեր Ֆիշերին և մեր գերմանացի գործընկերներին. «Վրացական երազանքի» ներկայացուցիչների կողմից նրա դեմ անհիմն մեղադրանքներն ու թշնամական լեզուն խորապես մտահոգիչ են։

Դիվանագետներին այս կերպ թիրախավորելը ոչ միայն խաթարում է փոխադարձ հարգանքը, այլև ավելի է մեկուսացնում Վրաստանը», – ասվում է Լատվիայի արտաքին գործերի նախարարության հայտարարության մեջ։

Գերմանիայի արտաքին գործերի նախարարությունը հայտարարել է, որ խորհրդակցությունների է կանչել Վրաստանում Գերմանիայի դեսպան Պետեր Ֆիշերին՝ աշխատանքը շարունակելու եղանակը որոշելու համար։