Լատվիան կասեցրել է Ռուսաստանի հետ քաղաքացիների պարզեցված տեղաշարժի մասին պայմանագիրը
Լատվիան կասեցրել է Ռուսաստանի հետ քաղաքացիների պարզեցված տեղաշարժի մասին պայմանագիրը. Նշված որոշումն ընդունվել է Լատվիայի իշխանությունների կողմից՝ ի պատասխան Ռուսաստանի կողմից Պսկովում Լատվիայի հյուպատոսության փակման։
Պսկովի հյուպատոսությունը Ռուսաստանում Լատվիայի միակ դիվանագիտական ներկայացուցչությունն էր, որը թույլտվություն էր տալիս ՌԴ քաղաքացիներին Լատվիայի սահմանը հատելու համար։
Համաձայնագիրը թույլ է տվել Լատվիայի և Ռուսաստանի սահմանամերձ շրջաններում բնակվող ՌԴ քաղաքացիներին հեշտությամբ հատել սահմանը։ Նշված պայմանագիրն այսօրվանից կասեցվել է։
Համաձայնագիրը կասեցնելու վերաբերյալ հանձնարարական է տվել Լատվիայի օրենսդիր մարմնի կառավարական հանձնաժողովը։
Երկու երկրների սահմանով Լատվիայի և Ռուսաստանի սահմանամերձ շրջաններում բնակվող քաղաքացիների պարզեցված տեղաշարժի մասին համաձայնագիրը գործում է 2010 թվականից։
Հիշեցնենք, որ Լատվիան ԵՄ այն երկրներից է, որը դադարեցրել է վիզաների տրամադրումը ՌԴ քաղաքացիներին Ուկրաինա ռուսական ներխուժումից հետո։
Լատվիայի արտաքին գործերի նախարար Էդգարս Ռինկևիչսը կոչ է արել Եվրամիությանը միանալ իրենց որոշմանը և դադարեցնել վիզաների տրամադրումը Ռուսաստանի քաղաքացիներին։
«Մենք բոլորս տեսնում ենք ռուսական ռազմական ուժերի դաժանությունը, որը մեզ հիշեցնում է «Իսլամական պետություն» ահաբեկչական խմբավորման կողմից իրականացված դաժանությունը»,- ասել է Ռինկևիչսը։