Ֆինանսների նախարար Լաշա Խուցիշվիլին հանդիպել է Վրաստանում Եվրամիության նոր դեսպան Պավել Հերչինսկու հետ, ով վերջերս է սկսել իր դիվանագիտական գործունեությունը երկրում։
Ներածական հանդիպմանը դրական գնահատական է տրվել Վրաստանի և Եվրամիության միջև հարաբերությունների դինամիկային։
Ֆինանսների նախարարը շնորհավորել է հյուրին նոր պաշտոնում նշանակվելու կապակցությամբ և հույս հայտնել, որ նրա դեսպանության ընթացքում Վրաստանի և Եվրամիության միջև գործընկերությունն ավելի կամրապնդվի։
Ֆինանսների նախարարն ընդգծել է Եվրամիության դերը երկրի զարգացման գործում՝ թե՛ քաղաքական, թե՛ ֆինանսական, թե՛ տեխնիկական աջակցության ծրագրերի ուղղությամբ։ Ուշադրություն է դարձվել եվրաինտեգրման գործընթացում Եվրոպական խորհրդի 12 առաջնահերթությունների կատարման կարևորությանը։
Լաշա Խուցիշվիլին Եվրամիության դեսպանին տեղեկացրել է տնտեսության ներկա վիճակի, 2022 թվականի համար թարմացված մակրոտնտեսական պարամետրերի մասին։ Զրույցն անդրադարձել է նաև Ուկրաինայում շարունակվող ռազմական գործողությունների ազդեցությանը տարածաշրջանի և աշխարհի վրա։ Զրույցի ընթացքում անդրադարձ է կատարվել նաև Եվրամիության հարևանության քաղաքականության շրջանակներում բացահայտված առաջատար ծրագրերին և պետական ֆինանսների կառավարման ռազմավարության թարմացման առաջընթացին։
Հանդիպման ավարտին Պավել Հերչինսկին ակտիվ համագործակցության պատրաստակամություն է հայտնել։
Տեղեկությունը տարածում է ֆինանսների նախարարության մամուլի ծառայությունը։