Լաշա Խուցիշվիլի. Երբ խոսում ենք ինչ-որ աննախադեպ աճի մասին, պետք է նայել թվերին, եթե համեմատենք համաճարակին նախորդած ժամանակահատվածի հետ, ապա Ռուսաստանի քաղաքացիների թիվը ոչ միայն ավելացել է, այլ կիսով չափ կրճատվել
Վրաստանի ֆինանսների նախարար Լաշա Խուցիշվիլին հայտարարել է, որ մինչ համաճարակը Վրաստան ավելի շատ ՌԴ քաղաքացիներ էին մուտք գործում, քան հիմա։ Այս մասին կառավարության նիստի ավարտից հետո կայացած ճեպազրույցում հայտարարել է Լաշա Խուցիշվիլին։
Նախարարի խոսքով՝ այս ուղղությամբ արտահայտված մտավախությունները բացարձակապես անհասկանալի են։
«Նախ, երբ խոսում ենք ինչ-որ աննախադեպ աճի մասին, պետք է նայենք թվերին ու քանակին։ Եթե նայենք թվերին, ապա պետք է սա համեմատենք ժամանակաշրջանի հետ, որը բնականաբար համեմատելի է։ Դա չի կարելի համեմատել համաճարակի ժամանակաշրջանի հետ, երբ սահմանները փակ էին, իսկ սահմանային անցակետերը գործնականում չէին գործում։ Դա չի կարելի համեմատել մի ժամանակաշրջանի հետ, երբ երթևեկության որոշակի ուշացումներ են եղել։ Մենք պետք է համեմատենք համաճարակին նախորդող ժամանակաշրջանի հետ, և եթե համեմատենք թվերը, ապա այն ոչ թե ավելանում է, այլ կիսով չափ կրճատվում։ Ուստի` այս ուղղությամբ արտահայտված մտավախությունները միանգամայն անհասկանալի են։ Այս տեղեկատվությունը հրապարակային է1 Մենք ռիսկեր չենք տեսնում այս ուղղությամբ, որ երկրում առկա են որևէ տեսակի խնդիր»,- ասել է Լաշա Խուցիշվիլին։
