Մեր հիմնական արտահանման արտադրանքը ներկայումս գտնվում է շատ անբարենպաստ իրավիճակում միջազգային շուկաներում, ինչը բացասաբար է ազդել վերջին 8 ամիսների տնտեսական աճի վրա,- ասել է Վրաստանի ֆինանսների նախարար Լաշա Խուցիշվիլին։

Ըստ նրա՝ այս պայմաններում 7 տոկոս աճը շատ լավ արդյունք է։

«Ընթացիկ տարում մենք ճշտեցինք տնտեսական աճի կանխատեսումը, որն ի սկզբանե 5 տոկոս էր, եւ անմիջապես ասացինք, որ սա պահպանողական մոտեցում է։ Մեր հիմնական արտահանման արտադրանքը ներկայումս գտնվում է շատ անբարենպաստ իրավիճակում միջազգային շուկաներում։ Սա բացասաբար է անդրադարձել մեր ունեցած 8 ամիսների տնտեսական աճի վրա։ Կարծում եմ՝ այս պայմաններում 7 տոկոս աճը շատ լավ արդյունք է։ Մեր ակնկալիքներով՝ իրավիճակը միջազգային շուկաներում կբարելավվի, և այդ ապրանքների արտահանումը, որը տնտեսական աճի շարժիչ ուժերից էր, կվերականգնվի։ Բնականաբար, նման դեպքում տնտեսական աճի կանխատեսումը կվերանայվի աճի ուղղությամբ և կճշգրտվի տարվա ընթացքում»,- ասել է Խուցիշվիլին։