Սա իսկապես պատմական օր է՝ հաշվի առնելով, որ չորս երկրների ստորագրած համաձայնագիրը մեծ հնարավորություն է Վրաստանի, տարածաշրջանի և այդ թվում՝ Եվրամիության համար՝ ապահովելու այդ երկրների էներգետիկ անկախությունը և նշանակալի ներդրում ունենալով երկրի տնտեսական զարգացման գործում,- ասել է ֆինանսների նախարար Լաշա Խուցիշվիլին Ռումինիայում, որտեղ նա վարչապետի պատվիրակության կազմում է։

Նրա խոսքով, Վրաստանը կդառնա ոչ միայն տնտեսական, այլև էներգետիկ հանգույց տարածաշրջանի համար և շատ կարևոր ներդրող Եվրամիության էներգետիկ անվտանգությանը։

«Նշված նախագծի նախաձեռնողը պետությունն է, Վրաստանի կառավարությունը երկու տարի առաջ սկսել է աշխատել այս նախագծի վրա, մենք արդեն ֆինանսավորել ենք նախնական, այսպես կոչված Feasibility Study, ծրագրի նախնական ուսումնասիրություն, որի սկզբնական փուլում նախնական տվյալները ցույց են տվել, որ ծրագիրը կարող է շատ հաջող լինել տնտեսական և ֆինանսական տեսանկյունից։ Մենք արդեն ներդրումներ ենք անում այս ուղղությամբ։ Բացի նշված աշխատանքներից, մենք փաստացի արդեն պայմանավորվել ենք, որ Վրաստանը ֆինանսավորի Սև ծովում իրականացվելիք երկրաբանական հետազոտությունները 20 մլն ԱՄՆ դոլարի չափով, և միևնույն ժամանակ կարծում ենք, որ երբ հաշվարկի վերջնական տարբերակը և ուսումնասիրության գործընթացն ավարտված է, դրա իրականացումը կսկսվի մոտ ապագայում։ Այս առումով վստահաբար կարող ենք ասել, որ Վրաստանը տարածաշրջանի համար լինելու է ոչ միայն տնտեսական, այլև էներգետիկ հանգույց և շատ կարևոր ներդրող Եվրամիության էներգետիկ անվտանգության գործում»,- ասել է ֆինանսների նախարարը։