Վրաստանի ֆինանսների նախարար Լաշա Խուցիշվիլիի խոսքով, հետհամաճարակային շրջանում Վրաստանի տնտեսությունը երկնիշ տնտեսական աճ է գրանցել երկու տարվա ընթացքում, որից հետո 2023 թվականին տնտեսությունը վերադառնում է նախահամաճարակային միտումին և կշարունակի զգալիորեն աճել: Այդ մասին Խուցիշվիլին ասել է՝ խորհրդարանում՝ խոսելով երկրի հիմնական տնտեսական ցուցանիշների մասին։

Նրա խոսքով, պետք է նշել, որ փոքր հետընթացից հետո 2022 թվականից սկսած տնտեսական աճի հիմնական շարժիչներից մեկը ներդրումային բաղադրիչն է։

«Այս տարի մենք ակնկալում ենք 6,5 տոկոս տնտեսական աճ, իսկ 2024 թվականի համար կանխատեսումը 5,2 տոկոս է։ 2023 թվականի վերջին մեկ շնչին բաժին ընկնող ՀՆԱ-ն կգերազանցի 8000 դոլարը, իսկ մինչև 2027 թվականը 5 տոկոս տնտեսական աճի պայմաններում այն ​​կհասնի գրեթե 11 հազար դոլարի։ Արժույթի միջազգային հիմնադրամի կանխատեսումների համաձայն՝ 2027 թվականին մեկ շնչին ընկնող ՀՆԱ-ի ծավալը կհասնի 30 հազար դոլարի՝ հաշվի առնելով գնողունակությունը», ասել է Լաշա Խուցիշվիլին։