«Գրինսերվիս պլյուսի» տնօրեն Լաշա Փուրցվանիձեն հեռացել է Վակե-Սաբուրթալոյի ոստիկանական բաժանմունքից։ Վակեի այգում տեղի ունեցած ողբերգական դեպքի առնչությամբ Փուրցվանիձեի հարցաքննությունը շարունակվում էր առավոտից։

Ինչպես հարցաքննությունից հետո լրագրողներին ասել է Փուրցվանիձեն, գործում շատ զուգադիպություններ կան։

Նրա խոսքով, լողավազանում գտնվող բոլոր տեխնիկական ստուգվել է օտարերկրյա մասնագետների և փորձագետների կողմից։

«Մենք բոլոր աշխատանքները կատարել ենք այն կանոնների պահպանմամբ, որոնք եղել են նախագծում, որը պահանջում է Վրաստանի օրենսդրությունը և ընդհանրապես՝ նման տեսակի աշխատանքներ կազմակերպելու համար։ Պատահականությունները շատ-շատ են,-այդ օրն էլ ասացի, քանի որ մեր աշխատակիցներն անընդհատ գնում էին այս լողավազան, ստուգում, ստուգել ենք բոլոր տեխնիկական անձնակազմին, ոչ միայն մեզ՝ արտասահմանցի մասնագետին, այլ նաև փորձագետներին։ Դրանից հետո փորձագետը հավանաբար կստուգի, թող հետաքննությունը որոշի»,- ասել է Փուրցվանիձեն։

Հոկտեմբերի 13-ին Վակեի այգում խաղալիս երեխաները գնդակ են գցել շատրվանի մեջ, և այն դուրս բերելիս երեք անչափահասներ հոսանքահարվել են։ Բոլոր երեք տուժածները տեղափոխվել են կլինիկաներ։ Դեռահասներից մեկը՝ 13-ամյա աղջիկ, մահացել է կլինիկայում։

Ներքին գործերի նախարարությունը դեպքի առթիվ հետաքննություն է սկսել Քրեական օրենսգրքի 240-րդ հոդվածի 1-ին մասով, որը վերաբերում է էլեկտրական կամ ջերմային էներգիայի, գազի, նավթի կամ նավթամթերքի օբյեկտում անվտանգության կանոնների խախտումը։