Լաշա Փառուլավան, «Միասնական ազգային շարժման» անդամը, հայտարարել է, որ Լևան Սանիկիձեն նկատի ուներ նախագահ Սահակաշվիլիի կողմից ստեղծված տարածաշրջանային ճարտարապետությունն ու քաղաքական ժառանգությունը, որն այսօր ընդդիմության հիմնական ռեսուրսն է։

Նրա խոսքով՝ այդ ռեսուրսը ռուսական շահերի թիրախն է։

«Ակնհայտ է, որ եթե ուզում ենք հաղթել ռուսական շահերին, պետք է հետևենք այն ճանապարհին, որը ձևավորվել է «վարդերի հեղափոխությունից» հետո՝ այդ տարածաշրջանային ճարտարապետությանը և քաղաքական ժառանգությանը։ Սա է հաղթանակի ճանապարհը, այն բանաձևը, որը կհասցնի մեզ հաղթանակի։ «Վարդերի հեղափոխությունը» կոնկրետ օրինակ է, թե ինչպես հաղթանակ տարավ վրաց ժողովուրդը։ Այդ տարածաշրջանային ճարտարապետությունն է, որ ստեղծել է նախագահ Սահակաշվիլին, և դա ընդդիմության հիմնական ռեսուրսն ու քաղաքական ժառանգությունն է։ Դրա թիրախում են ռուսական շահերը։ Նկատի ունեմ մեզ՝ որպես տրանսպորտային և տնտեսական հանգույց, որը ռուսական շահերի թիրախն է այսօր։ Ու հենց այս շեշտադրումներով կարող ենք միավորել վրաց ժողովրդին և հասնել հաղթանակի։ Մենք դա արդեն արել ենք և կանենք նաև ապագայում», – նշել է Փառուլավան։

Նշենք, որ «Միասնական ազգային շարժման» անդամ Լևան Սանիկիձեն հայտարարել էր․ «Վրացական քաղաքականությունը պտտվում է «Միասնական ազգային շարժման» շուրջ, ընդդիմադիր կուսակցությունները կառուցում են իրենց ինքնությունը՝ հիմնվելով այն մտքի վրա, որ «նացիներ» չեն։ Բայց ովքե՞ր են, եթե ոչ նրանք»։