Արտաքին գործերի նախարարի տեղակալ Լաշա Դարսալիան հայտարարում է, որ Ժնևի բանակցությունների 48-րդ փուլն ընթանում է բավականին բարդ ֆոնի ներքո: Ժնևի բանակցություններին վրացական պատվիրակության ղեկավարն ասում է, որ այս բարդությունը ընդհանրապես, կապված է իրավիճակի և օկուպացված տարածքներում առկա ծանր իրավիճակի հետ:

«Ցանկանում եմ ընդգծել, որ այս անցումները փակելը տեղի բնակչությանը դրել է շատ ծանր իրադրության մեջ: Սա գլխավոր հարցերից մեկն է: Ընդհանրապես, Ժնևի բանակցությունների գլխավոր ուղղություններն են՝ անվտանգության հարցերը և տեղում մարդասիրական վիճակի հարցերը, որոնք քննարկվում են երկու խմբում: Համապատասխանաբար, բոլոր սուր հարցերը կբարձրացվեն»,- նշել է Լաշա Դարսալիան Վրաստանի Առաջին ալիքի հետ զրույցում:

Նրա հայտարարությամբ, բանակցությունների 48-րդ փուլի օրակարգը ծանրաբեռնված կլինի սուր թեմաներով: Այդ թվում, կլինի շարունակական «սահմանազատման» գործընթաց:

«Վրացական պատվիրակությունը կարտահայտի իր դիրքորոշումը, որ կարևոր է քայլել դեէսկալացիայի ճանապարհով, կարևոր է, որ այնպես էլ լարված հարաբերություններն առավել չլարվեն, քանի որ դա որևէ պատվիրակության շահերում չէ»,- նշել է Լաշա Դարսալիան: