Դիվանագիտական կորպուսին տեղեկություն ենք փոխանցել Խաշուրիի շրջանի Չորչանա գյուղի հարակից տարածքում, օկուպացնող գոտու մոտ առկա իրավիճակի մասին,- այս մասին դիվանագետների հետ հանդիպումից հետո հայտարարել է Վրաստանի արտաքին գործերի նախարարի տեղակալ Լաշա Դարսալիան:

Նրա խոսքով, դիվանագիտական կորպուսին տեղեկություն է փոխանցվել նաև Էրգնեթիի հանդիպման մասին:

«Ինչպես գիտեք, այսօր, Էրգնեթիում անցկացվել է միջադեպերի կանխարգելման և դրանց արձագանքման մեխանիզմի հանդիպումը (IPRM) և այս հանդիպման զարգացման մասին փոխանցել ենք լիարժեք տեղեկություն: IPRM-ի հանդիպումները կարևորագույն մեխանիզմներից է տեղում իրավիճակի դեէսկալացիայի համար և ընդհանրապես, գործընթացը տապալվեց օկուպացնող ռեժիմի ներկայացուցիչների կողմից հանդիպումը լքելու պատճառով, որն անընդունելի է: Մենք դիվանագիտական կորպուսին ներկայացրեցինք նաև տեղում առկա իրավիճակը, որ Վրաստանի կենտրոնական իշխանության կողմից վերահսկվող տարածքում հզորացվում էին ոստիկանական համապատասխան անցակետերը: Սա ակնհայտորեն Վրաստանի կենտրոնական իշխանության կողմից վերահսկվող տարածք է, որը հաստատված է նաև Եվրամիության դիտորդական առաքելության կողմից, որը կարևոր բաղադրիչ է»,- հայտարարել է նախարարի տեղակալը:

Նրա խոսքով, դիվանագիտական կորպուսի ներկայացուցիչներին խնդրել են, իրենց կառավարություններին անհապաղ տեղեկացնել այս հարցի մասին: