Համաշխարհային ֆուտբոլի կարկառուն դեմքերի ավանդական մրցանակաբաշխության ժամանակ (Globe Soccer Awards 2022) «Նապոլիի» մարզական տնօրեն Կրիստիանո Ջունտոլին ճանաչվել է աշխարհի լավագույն ակումբային մենեջերների շարքում, իսկ դրանում ըստ իտալական լրատվամիջոցների որոշիչ դեր է խաղացել՝ Խվիչա Կվարացխելիայի տրանսֆերը:

Դուբայում տեղի ունեցավ Globe Soccer Awards 2022 մրցանակաբաշխության երեկոն, և Պաոլո Մալդինիի (Միլանի տեխնիկական տնօրեն) և Ֆրեդերիկ Մասարայի (Միլանի մարզական տնօրեն) զույգը հաղթող ճանաչվեց մարզական տնօրեն անվանակարգում՝ գերազանցելով «Նապոլիի» մենեջեր Կրիստիանո Ջունտոլիին։

«Մրցանակաբաշխությանը հաղթող են ճանաչել «Միլանի» տնօրենների՝ Մալդինի-Մասարա զույգը, Ջունտոլին նույնպես բարձրացել է ամբիոն, ինչը ծիծաղ է առաջացրել։ Մալդինին «հաղթեց», բայց սպորտային տնօրենի գործունեությունը որոշիչ դեր խաղաց Սպալետիի «Նապոլիի» ստեղծման և արդյունքների մեջ, գրում է calcionapoli24-ը։

Ջունտոլիի մասին մեկնաբանություն է արել իտալացի վետերան խաղացող և ֆուտբոլային մենեջեր Կլաուդիո Օնոֆրին, ով այժմ հայտնի ֆուտբոլային մեկնաբան է։ Նրա խոսքով, «Նապոլիի» մարզական տնօրենի վերջին հաջողություններից մեկը Խվիչա Կվարացխելիայի տրանսֆերն էր:

«Ես չեմ զարմանում, որ ընտրվել է Կրիստիանո Ջունտոլին։ Երբ նա խաղացողներ է հրավիրում, դա միշտ երաշխիք է. Ջունտոլիի 100 համալրումներից 99-ը արդարացնում են սպասելիքները: Օրինակ՝ այս տարի Կվարացխելիան է ու Կիմը ու նորից ճիշտ կռահեց»։