Կուսակցությունների կողմից առաջընթացի ճանապարհի որոնումը Վրաստանի ազգային շահերում է, հենց այդ պատճառով ենք այդքան ջանք ծախսում դրան աջակցելու համար. Քրիստիան Դանիելսոն
Եվրոպական խորհրդի նախագահ, Շառլ Միշելի անձնական ներկայացուցիչ Քրիստիան Դանիելսոնի հայտարարությամբ, Վրաստանը Եվրամիության համար կարևոր գործընկեր է, այդ իսկ պատճառով նրանք ակտիվորեն ներգրավված են ընդդիմության և իշխանության միջև բանակցային գործընթացում:
Ըստ նրա, Վրաստանի շահերից է բխում բանակցություններում առաջ շարժվելը:
«Պատճառը, որի համար նախագահ Միշելը ստանձնել է այս դերը և ինձ ուղարկել այստեղ, այն է, որ նա խորապես հավատում է Եվրամիության համար Վրաստանի կարևորությանը: Սա մեզ համար կարևոր է և կուսակցությունների կողմից ճանապարհ գտնելը, Վրաստանի ազգային շահերում է, վրաց ժողովրդի շահերում: Սա այն է, ինչի շուրջ մենք աշխատում ենք: Այդ պատճառով մենք այդքան ջանք թափեցինք կողմերին աջակցելու հարցում և ես կարծում եմ, որ այդ պատճառով կողմերն այդքան ներգրավված են», – ասել է Քրիստիան Դանիելսոնը:
Քրիստիան Դանիելսոնը այսօր պետք է լքեր Վրաստանը, սակայն նա մնում է երկրում և շարունակում է բանակցային գործընթացը:
Դանիելսոնը այսօր հանդիպումներ է ունեցել ինչպես իշխող կուսակցության, այնպես էլ ընդդիմության ներկայացուցիչների հետ, չնայած բանակցությունների կոնկրետ արդյունքը դեռ հայտնի չէ: