Կուբայի նախագահը դատապարտում է Նիկոլաս Մադուրոյի ձերբակալությունը. «Սա ազգային ինքնիշխանության խախտում է և միջազգային իրավունքի վրա հարձակում, ոչ, իմպերիալիստներ, սա ձեր բակը կամ վիճելի տարածքը չէ»
Կուբայի կառավարությունը դատապարտում է ԱՄՆ ռազմական գործողությունը Վենեսուելայում և Նիկոլաս Մադուրոյի ձերբակալությունը։
«Կուբան դատապարտում է այս գործողությունները որպես պետական ահաբեկչության ակտ։ Սա հանցավոր հարձակում է մեր Ամերիկայի, խաղաղության գոտու դեմ, անկախության, արժանապատվության և համերաշխության խորհրդանիշ հանդիսացող ազգի ինքնիշխանության խախտում և անընդունելի հարձակում միջազգային իրավունքի վրա։ Ոչ, իմպերիալիստներ, սա ձեր բակը կամ վիճելի տարածքը չէ։ Մենք չենք ճանաչում Մոնրոյի դոկտրինան, ո՛չ թագավորներին, ո՛չ հնացած կայսրերին։ Բոլիվարի երկիրը սրբազան է, և նրա երեխաների վրա հարձակումը հարձակում է մեր Ամերիկայի բոլոր արժանի երեխաների վրա», – ասել է Կուբայի նախագահ Միգել Դիաս-Կանելը։
Հիշեցնենք, որ ԱՄՆ նախագահ Դոնալդ Թրամփը հայտարարել է, որ ԱՄՆ ռազմական ուժերը ձերբակալել են Վենեսուելայի առաջնորդ Նիկոլաս Մադուրոյին և նրա կնոջը և դուրս են բերել երկրից։
