Վրաստանի կրթության, գիտության և երիտասարդության նախարարությունը հայտարարում է, որ Սալոմե Զուրաբիշվիլիի տարածած տեղեկատվությունը, թե իբր դպրոցներում երեխաների անձնական տվյալները հավաքվում են հատուկ նպատակներով, սուտ է և չի համապատասխանում իրականությանը։

Ինչպես ասվում է գերատեսչության հայտարարության մեջ, «նման ապատեղեկատվության տարածումը միտումնավոր գործողություն է, որն ուղղված է բացառապես կրթական համակարգի վարկաբեկմանը»։

«Ցանկանում ենք տեղեկացնել հանրությանը, որ աշակերտների տվյալները՝ անձնական տվյալները, նրա գնահատականները, ընթացիկ գնահատականները արտացոլված են կրթության կառավարման տեղեկատվական համակարգում։ Բացի այդ, համակարգը ցուցադրում է տեղեկատվություն ծնողների կամ օրինական ներկայացուցիչների մասին:

Պարբերաբար դպրոցները թարմացնում են համակարգում առկա տվյալները, մասնավորապես՝ ծնող/օրինական ներկայացուցիչը, կոնտակտային հեռախոսահամարը, էլեկտրոնային փոստի հասցեն և բնակության հասցեն։

Սա անհրաժեշտության դեպքում ծառայում է ծնողի/օրինական ներկայացուցչի հետ արագ և հեշտ հաղորդակցության ապահովմանը:

Հանրակրթության կառավարման տեղեկատվական համակարգում տվյալների հավաքագրումը, պահպանումը, մշակումը, վերլուծությունը և կառավարումը Վրաստանի «Անձնական տվյալների պաշտպանության մասին» օրենքի պահանջներին համապատասխան ապահովում է կրթության կառավարման տեղեկատվական համակարգը:

Կրթության կառավարման տեղեկատվական համակարգը իրավասու է ստանալու և օգտագործելու նախարարության համակարգում ընդգրկված հանրային իրավունքի այլ իրավաբանական անձանց անձնական տվյալները։

Կոնկրետ անձանց կոչ ենք անում զերծ մնալ ապատեղեկատվություն տարածելուց, որը ծառայում է հասարակությանը միտումնավոր մոլորության մեջ գցելուն»,- ասված է ԿԳՆ տեղեկատվության մեջ։