Կրեմլում կարծում են, որ Ուկրաինան կօգտագործի «Օլիմպիական զինադադարի» նման նախաձեռնություններ՝ ուժերի վերազինման և վերախմբավորման համար։ Այս մասին ռուսական լրատվամիջոցներին հայտնել է Կրեմլի մամուլի քարտուղար Դմիտրի Պեսկովը։

Պեսկովը պատասխանել է Էմանուել Մակրոնի մեկնաբանություններին, ով ասել է, որ ամառային Օլիմպիական խաղերի ժամանակ աշխատում է աշխարհում, այդ թվում՝ Ուկրաինայում ռազմական գործողություններում զինադադարի հասնելու համար։

«Նախագահը և մեր զինվորականները նշեցին, որ Կիևի ռեժիմը նման գաղափարներ է օգտագործում վերախմբավորման, վերազինման և նմանատիպ ջանքերի համար։ Սա զգալիորեն բարդացնում է նման նախաձեռնությունների քննարկման գործընթացը»,- ասել է Պեսկովը։

Կրեմլի մամուլի քարտուղարը նաև նշել է, որ օլիմպիական զինադադարի հետ կապված ոչ ոք պաշտոնական որևէ քայլ չի ձեռնարկել։