Կովիդ-կանոնակարգերը հանելուց հետո այսօր իրականացվեց Բաքվից Բաթումի առաջին չվերթը։ Բաթումիի միջազգային օդանավակայան է ժամանել Ադրբեջանից մոտ 100 ուղեւոր։

Աջարիայի զբոսաշրջության դեպարտամենտի տվյալներով, «Ազերբայջան ավիաուղիներ» ավիաընկերությունը ամառվա ընթացքում մինչև հունիսի վերջը շաբաթական երկու անգամ չվերթ կիրականացնի, իսկ հուլիսից՝ երեք անգամ։

Բաթումիի միջազգային օդանավակայանում ադրբեջանցի զբոսաշրջիկներին դիմավորել են Աջարիայի զբոսաշրջության դեպարտամենտի ղեկավարը և Ադրբեջանի հյուպատոսը։

Աջարիայի զբոսաշրջության դեպարտամենտի տվյալներով՝ այս տարի Բաթումիի օդանավակայանում չվերթների թիվն աճում է։ Առկա տվյալների համաձայն՝ դեպի Բաթումի չվերթներ են իրականացրել հինգ նոր ավիաընկերություններ՝ Airbaltic, Flydeal, Jordan Aviation, Aseman և Uzbekistan Airways։ Այդ թվում Airbaltic-ը և Uzbekistan Airways-ը այս տարի առաջին անգամ չվերթներ են իրականացրել Ռիգայից և Տաշքենդից։

Գերատեսչության տվյալներով, հունիսին Բաթումիի ուղղությամբ նախատեսվում է իրականացնել մինչև 300 չվերթ 12 երկրներից։