«Կովիդ 19»-ի նոր տեսակի կապակցությամբ Մեծ Բրիտանիայի իշխանությունների հետ սերտ կապի մեջ ենք. Առողջապահության համաշխարհային կազմակերպություն
Առողջապահության համաշխարհային կազմակերպությունում ասում են, կորոնավիրուսի նոր տեսակի բացահայտման կապակցությամբ, սերտ կապի մեջ են Մեծ Բրիտանիայի իշխանությունների հետ:
Կազմակերպությունում նշում են, որ անդամ երկրներին և հասարակությանը կտրամադրվի լրացուցիչ տեղեկատվություն, կորովիրուսի նոր տեսակի մասին, երբ նրանք ավելի լավ ուսումնասիրեն նրա բնութագրերը:
«Մենք սերտ կապի մեջ ենք Մեծ Բրիտանիայի իշխանությունների հետ «կովիդ 19»-ի նոր տեսակի հարցով: Նրանք շարունակում են կիսվել տեղեկատվությամբ, վերլուծությամբ և ընթացիկ հետազոտությունների արդյունքներով: Մենք նորացված տեղեկատվություն կտրամադրենք անդամ երկրներին և հասարակությանը, հենց որ ավելին իմանանք վարակի այս տարբերակի բնութագրերի և հետևանքների մասին»,- ասված է առողջապահության համաշխարհային կազմակերպության «Թվիթերի» էջում տեղադրված հայտարարության մեջ:
Դեկտեմբերի 19-ին Միացյալ Թագավորության վարչապետ Բորիս Ջոնսոնը հայտարարել է, որ երկրում հայտնաբերված կորոնավիրուսի նոր շտամը կարող է 70 տոկոսով ավելի վարակիչ լինել: Վիրուսի նոր շտամի հայտնաբերման պատճառով Նիդեռլանդները դադարեցրել է ուղևորատար չվերթները դեպի Մեծ Բրիտանիա: