Ես թողնում եմ «Ազգային շարժման» քաղխորհրդի նախագահի պաշտոնը և հեռանում քաղխորհրդից։ Ես կմնամ շարքային անդամ, քանի դեռ Միխեիլ Սաակաշվիլին չի լինի Պուտինի անձնական բանտարկյալը, քանի դեռ Միխեիլ Սաակաշվիլին կտեղափոխվի արտերկիր՝ բուժման, ինչը նրա կյանքը փրկելու միակ լուծումն է,- ասել է «Ազգային շարժման» անդամ Կոբա Նաղոփիան։

Նաղոփիայի խոսքով՝ ինքը ավելի ուշ որոշում կկայացնի՝ լքե՞լ կուսակցությունը, թե՞ ոչ։

«Այնուհետև ես որոշում կկայացնեմ՝ կմնա՞մ կուսակցությունում, թե՞ ոչ, հետո այլ որոշումներ կկայացնեմ, երբ Սաակաշվիլին ազատության մեջ լինի, և ես կարողանամ շփվել նրա հետ։ Դժվար ընտրություններ էին, և ես՝ որպես հանձնաժողովի նախագահ, կարողացա բոլոր որոշումները հանձնաժողովի ներսում ընդունել կոնսենսուսով, հանձնաժողովի աշխատանքի ընթացքում երկու անգամ քվեարկություն անցկացվեց։ Մենք ժամանակ չէինք ծախսում այլ հարցերի վրա, այնքան ներդաշնակ էինք աշխատում՝ չնայած վեճերին։ Գործընթացը եղել է թափանցիկ, ոչ ոք չի միջամտել և չի եղել մանիպուլյացիա, հաղթել է ձայների մեծամասնությունը հավաքած թեկնածուն։ Ես անընդհատ ասում էի, որ արդյունքները պետք է ընդունել, քանի որ տեսնում էի, որ մանիպուլյացիա չկա: Մենք հանրությանը ցույց տվեցինք, թե ինչպես պետք է անցկացվեն ընտրություններ։ Ես ուրախ կլինեմ, եթե խորհրդարանական կամ այլ ընտրություններն անցկացվեն այս կերպ»,- ասել է Կոբա Նաղոփիան։

«Ազգային շարժման» նոր նախագահ է դարձել Լեւան Խաբեիշվիլին։ Ինչպես հայտարարել է քաղխորհրդի նախագահ Կոբա Նաղոփիան, Լևան Խաբեիշվիլին ստացել է ձայների 52,58 տոկոսը։