Կարևոր գնահատական է «Fitch»-ի կողմից, և ես կարծում եմ, որ տրամաբանական է Վրաստանի տնտեսական թիմի կողմից իրականացվող մակրոտնտեսական քաղաքականությունը, հատկապես այնպիսի դժվարին ժամանակաշրջանում, ինչպիսին էր համաճարակը, համաճարակի հետագա շրջանը և արդեն իսկ շարունակվող պատերազմը տարածաշրջանում,- ասել է Ազգային բանկի նախագահ Կոբա Գվենետաձեն։

Ինչպես նշեց Կոբա Գվենետաձեն, գնահատման մեջ նշված դրական պահերը Ազգային բանկի կողմից դրամավարկային քաղաքականության ճիշտ իրականացումն է։

«Դոլարիզացիայի նվազեցման ուղղությամբ ձեռնարկվող քայլերը, Ազգային բանկի կողմից արժութային պահուստների կուտակումը, ընթացիկ հաշվի դեֆիցիտի ռեկորդային մակարդակի իջեցումը, հարկաբյուջետային կոնսոլիդացիան, ինչը միանգամայն անհրաժեշտ է երկրի ֆինանսները կայուն դարձնելու և միևնույն ժամանակ օգնելու համար նվազեցնել գնաճը, նույնպես ճիշտ են գնահատվում: Կարծում եմ՝ սա նաև տրամաբանական քայլ է ապագայում սուվերեն վարկանիշը ևս մեկ նիշով բարելավելու ուղղությամբ, ինչից հետո ներդրումային վարկանիշին կմնա միայն մեկ քայլ, և կարծում եմ, որ դա անպայման տեղի կունենա։ Ինչպես նախկինում նշեցի, եթե չլիներ համաճարակը, ապա պատերազմը, Վրաստանն այսօր կունենար ներդրումային վարկանիշ»,- ասել է Գվենետաձեն։

Վարկանիշային «Fitch» ընկերությունը բարելավել է Վրաստանի սուվերեն վարկային վարկանիշի կանխատեսումը կայունից դեպի դրական, և վարկանիշը գնահատել է BB մակարդակով։