Կարևոր ուղերձ է, որ Վրաստանը կարող է հույս դնել Գերմանիայի աջակցության վրա, Վրաստանի խորհրդարանական պատվիրակության հետ հանդիպումից հետո հայտարարել է Գերմանիայի «Քրիստոնեա-դեմոկրատական ​​միության» անդամ Կնուտ Աբրահամը։

Նրա խոսքով, Վրաստանին եվրոպական հեռանկար տալու որոշումից հետո կարևոր է օգտվել այս հնարավորությունից։

«Ես Գերմանիայի խորհրդարանի անդամ եմ և նաեւ ընդդիմության ներկայացուցիչ։ Այնուամենայնիվ, կա մի բան, որը մեզ միավորում է իշխանության հետ: Սա աջակցություն է Վրաստանին և այս երկրի եվրոպական ուղուն։ Այդ իսկ պատճառով այս այցն այդքան կարևոր է։ Վրաստանը եվրոպական ընտանիքի անդամ է, և դրա ցուցիչն է այն հանդիպումը, որ այսօր ունեցանք խորհրդարանի նախագահի հետ։ Մի քանի ամիս առաջ Ուկրաինային և Մոլդովային թեկնածուի կարգավիճակ տալու, իսկ Վրաստանին եվրոպական հեռանկարին վերաբերող որոշումից հետո չափազանց կարևոր է օգտագործել այս հնարավորությունը, որպեսզի ներկա գործընթացը կանգ չառնի։ Իմ կարծիքով, սա կարևոր ուղերձ է, որ Վրաստանը կարող է հույս դնել Գերմանիայի աջակցության վրա»,- ասել է Կնուտ Աբրահամը։