Օրդինատուրայի ծրագրի շրջանակներում Առողջապահության նախարարությունը կֆինանսավորի արտերկրում 150 ուսանողների ուսումը, կառավարության նիստից հետո կայացած ճեպազրույցում հայտարարեց փախստականների, աշխատանքի, առողջապահության և սոցիալական պաշտպանության նախարար Զուրաբ Ազարաշվիլին։

Ազարաշվիլիի խոսքով, ծրագրի բյուջեն առաջին փուլում կկազմի մոտ 10 մլն լարի, որը ներառում է դասավանդման և կեցության բոլոր ծախսերը։

«Ուզում եմ պատմել մի շատ կարեւոր նախագծի մասին. Խոսքը վերաբերում է ընդհանրապես պետական ​​կլինիկաներում աշխատողների որակավորման մակարդակի բարձրացմանը, ինչը ենթադրում է հաջողակ ուսանողների ընտրություն։ Նախարարության բյուջեով առաջիկա երկու-երեք տարում արտերկրում կապահովենք 100-ից 150 ուսանողի ուղարկումը։ Նրանց բնակության ծախսերն ամբողջությամբ կֆինանսավորվեն։ Երկու-երեք տարի հետո երկիրը կունենա շատ լուրջ բժշկական ակտիվ՝ ի դեմս այնտեղից վերադարձած ուսանողների, որոնց մենք երաշխավորված աշխատանք կառաջարկենք պետական ​​բժշկական կլինիկաներում։ Առաջին փուլում ծրագրի բյուջեն կկազմի մոտ 10 մլն լարի, որը ներառում է այնտեղ ուսման և ապրելու բոլոր ծախսերը։ Յուրաքանչյուր ուսանողի համար օրդինատուրայի ծրագիրը կլինի 18-ից 24 ամիս»,- ասել է Զուրաբ Ազարաշվիլին։