Կլաուս Վալդներ. Գուդաուրիում կայացած մրցույթը լավ կազմակերպված և հաջող անցկացվեց
«Գուդաուրիում կայացած մրցույթը լավ կազմակերպված և հաջող անցկացվեց»,- այսպես է գնահատել Սքեյ Կրոսի համաշխարհային գավաթի մրցույթի ղեկավար Կլաուս Վալդները։ Միջոցառումը կազմակերպում են Էկոնոմիկայի և կայուն զարգացման նախարարության «Լեռնային արահետների գործակալությունը» և Դահուկների ֆեդերացիան՝ Վրաստանի կառավարության աջակցությամբ։ Մրցույթն անցկացվում էր դահուկների և սնոուբորդի միջազգային ֆեդերացիայի (FIS) հովանու ներքո։
«Երկու օրվա ընթացքում մենք տեսանք իսկապես հիանալի մրցակցություն: Մրցումային երկու օրերի ընթացքում վնասվածքներ չենք ունեցել։ Ամբողջ կազմակերպչական թիմը շատ լավ աշխատեց։ Մենք բավականաչափ կամավորներ ունեինք լեռնադահուկային սպորտի վրա և ստացանք նրանցից զարմանալի աջակցություն: Անչափ հետաքրքիր մրցույթ էր, և մենք շատ ուրախ ենք այս երկու օրերի համար։ «Թրեքը զարմանալի էր», – ասաց Կլաուս Վալդները:
Գուդաուրիում այսօր կայացավ դահուկավազքի աշխարհի գավաթի եզրափակիչը։ Մարզուհիներից հաղթանակ տարավ Իտալիայի ներկայացուցիչ Ժոլե Գալլին։ Կանադայի ներկայացուցիչ Ռիս Հաուդենը հաջողությամբ հանդես եկավ տղամարդկանց պայքարում և գրավեց առաջին տեղը։
Միջազգային մրցաշարին մասնակցում էին 97 մարզիկներ աշխարհի 14 երկրներից (ԱՄՆ, Կանադա, Մեծ Բրիտանիա, Ավստրիա, Չիլի, Չինաստան, Ֆրանսիա, Գերմանիա, Իտալիա, Ճապոնիա, Շվեյցարիա, Շվեդիա, Չեխիա, Վրաստան):
Հատկանշական է, որ դահուկավազքի աշխարհի գավաթի փուլն արդեն երկրորդ անգամ է անցկացվում Վրաստանում։ Անցյալ տարի միջոցառումը հյուրընկալել էր Բակուրիանին:
Մարտի 8-9-ը Գուդաուրիում կանցկացվի ևս մեկ միջազգային մրցույթ՝ նախատեսված է աշխարհի գավաթի խաղարկություն Snowboard Cross կարգում։
Այս մասին հայտնում է էկոնոմիկայի նախարարության մամուլի ծառայությունը։