Էգզիթփոլների տվյալներով՝ Կիպրոսի նախագահական ընտրությունների երկրորդ փուլ դուրս կգան գործող նախագահ Նիկոս Անաստասիադիսը և ԱԿԵԼ (Աշխատավոր ժողովրդի առաջադեմ կուսակցություն) կոմունիստական կուսակացության ներկայացուցիչ Ստավրոս Մալասը:

Ընտրատեղամասերի ելքի մոտ նախնական հարցման համաձայն՝ Անաստասիադիսը  ստացել է քվեների 38-42 տոկոսը, Մալասը` 27-31 տոկոսը:

Երրորդ տեղում  է կենտրոնամետ Դեմոկրատական կուսակցության ներկայացուցիչ  Նիկոլաս Պապադոպուլոսը՝  21.5-24.5 տոկոսով:

Ազգայնական «Ազգային ժողովրդական ճակատ» կուսակցության ներկայացուցիչ Քրիստոս Քրիստը կստանա ձայների 4-6 տոկոսը, իսկ  Յորգաս Լիլիկասը՝ «Քաղաքացիների դաշինքից»՝ ձայների 1-3 տոկոսը: Մնացած թեկնածուների ստացած ձայները 1 տոկոսից պակաս կլինեն։

Ընդհանուր առմամբ, իրենց թեկնածությունը առաջադրել  են ինը թեկնածու։