Կիևում Գերմանիայի դեսպանատունը վերսկսել է աշխատանքը
Կիևում Գերմանիայի դեսպանատունը վերսկսել է աշխատանքը: Դեսպանությունը տեղեկությունը հրապարակել է «Twitter»-ի իր էջում։
«Մենք վերադարձել ենք, երեկ Գերմանիայի դեսպանատունը վերսկսել է աշխատանքը Կիևում։ Արտաքին գործերի նախարար Անալենա Բերբոկը դեսպանատան շենքի դիմաց բարձրացրել է Գերմանիայի դրոշը»,- ասվում է հաղորդագրության մեջ։
Ուկրաինա կատարած այցի ընթացքում Գերմանիայի արտգործնախարարը նշել է, որ դեսպանատունը բացվելու է դիվանագետների նվազագույն ներկայացուցչությամբ և աշխատելու՝ սահմանափակ ձևաչափով։
Կիևում Գերմանիայի դեսպանատունը դադարեցրեց աշխատանքը Ռուսաստանի կողմից Ուկրաինա ներխուժելուց անմիջապես առաջ։