Կիևում ընթանում է ռուս զինվորների կողմից ռազմական հանցագործությունների գործով առաջին դատավարությունը
Կիևում ընթանում է ռուս զինվորների կողմից ռազմական հանցագործությունների գործով առաջին դատավարությունը։
Գործ է հարուցվել Վադիմ Շիշիմարինի դեմ, ով մեղադրվում է Սումի շրջանում անզեն մարդու սպանության եւ պատերազմի կանոնները խախտելու մեջ։ Եթե մեղավոր ճանաչվի, նրան սպառնում է մինչև 15 տարի կամ ցմահ ազատազրկում:
Դատախազ Յարոսլավ Ուշապիվսկու խոսքով՝ Շիշմարինն ընդունել է իր մեղքը և համագործակցել հետաքննության հետ։
Նրա խոսքով՝ ռուս զինվորականի մեղքն ապացուցվում է ոչ միայն նրա խոստովանությամբ, այլեւ փորձաքննության եզրակացությամբ եւ վկաների ցուցմունքներով։ Բացի այդ, հետաքննությունը ներկայացրել է զենք, որով կրակել է Շիշիմարինը։
Վադիմ Շիշմարինը 21 տարեկան է։ Ծառայել է Մոսկվայի մարզի 4-րդ տանկային դիվիզիայում։ Նա գերի է ընկել ուկրաինացի զինվորականների կողմից Սումիի շրջանում շարունակվող մարտերի ժամանակ։