Կիևի օդանավակայանում ձերբակալել են Օդեսայի քաղաքապետ Գենադի Տրուխանովին
21:37, 14.02.2018
Ուկրաինայի Օդեսա քաղաքի քաղաքապետ Գենադի Տրուխանովը ձերբակալվել է Կիևի «Բորիսպոլ» օդանավակայանում: Այս մասին հաղորդում է Ուկրաինայի ազգային հակակոռուպցիոն բյուրոն:
Տրուխանովն այսօր Վարշավայից ժամանել է Ուկրաինա՝ վայրէջք կատարելով «Բորիսպոլ» օդանավակայանում, որտեղ էլ ձերբակալվել է:
Օդեսայի քաղաքապետին կասկածում են քաղաքային բյուջեից դրամական միջոցների յուրացման համար:
Հայտնի է, որ Տրուխանովը բացակայել է Օդեսայից շուրջ մեկուկես ամիս: Նա չէր վերադարձել իր հերթական արձակուրդից, որը սկսվել էր 2017 թվականի դեկտեմբերի 26-ին:
