Քվեմո Քարթլիի, Սամեգրելոյի և բարձր լեռնային Աջարիայի մի քանի գյուղերի բնակիչները նոտարական ծառայություններ կստանան իրենց տներին մոտ։

Ծառայությունը կտրամադրվի «Արդարադատության շարժական տան» միջոցով և նախնական փուլում հասանելի կլինի Ամամլո, Անակլիա, Ղորջոմի և Խիխաձիրի գյուղերի բնակիչներին։

Առաջին նոտարական ծառայությունը «Արդարադատության շարժական տան» շրջանակներում Դմանիսի Ամամլո գյուղի բնակիչներին մատուցել է Նոտարների պալատի խորհրդի փոխնախագահ, նոտար Մարիկա Գոգոլաձեն։

Նոտարական ծառայությունների մատուցման գործընթացին ներկա են եղել Նոտարների պալատի խորհրդի նախագահ Էկատերինե Նանդոշվիլին և Արդարադատության տան ղեկավար Լաշա Լոբժանիձեն։

Ծառայությունների մատուցման աշխարհագրական տարածքը աստիճանաբար կմեծանա և կներառի բարձր լեռնային կարգավիճակ ունեցող բոլոր այն գյուղերը կամ բնակավայրերը, որտեղ նոտարական ծառայությունները պատշաճ կերպով հասանելի չեն կամ թաղամասի նոտարական բյուրոն գործում է մի քանի գյուղերի բնակչության համար մեծ հեռավորության վրա։