Վրաստանի Ներքին գործերի նախարարության Քվեմո Քարթլիի ոստիկանության դեպարտամենտի աշխատակիցները ձերբակալել են 1988 թվականին ծնված Ֆ.Ա.-ին՝ ընտանիքի անդամի նկատմամբ կատարված կանխամտածված սպանության մեղադրանքով։

ՆԳՆ-ի տվյալներով՝ քննությամբ պարզվել է, որ մեղադրյալը Գարդաբանի մունիցիպալիտետում սառը զենքով բազմաթիվ վերքեր է հասցրել իր կնոջը՝ 2000 թվականին ծնված Մ.Գ.-ին, որը ստացած վնասվածքներից մահացել է դեպքի վայրում։

«Մեղադրյալը ներկայացել է ոստիկանություն և խոստովանել է իր հանցանքը։

Իրավապահ մարմինների աշխատակիցները Ֆ.Ա.-ին ձերբակալել են որպես կասկածյալ։ Հանցագործությունը կատարելու համար օգտագործված զենքը՝ դանակը, առգրավվել է որպես ապացույց։

Քննությունը շարունակվում է Քրեական օրենսգրքի 11-րդ մասի 109-րդ հոդվածի «կ» ենթակետով, որը նախատեսում է մինչև 20 տարի կամ ցմահ ազատազրկում», – ասվում է ՆԳՆ-ի հայտարարության մեջ։