2021 թվականին Քութաիսի քաղաքում տեղի կունենա Եվրոպայի խորհրդի մշակութային երթուղիների տասներորդ խորհրդատվական ֆորումը:

Համաձայնագիրը ստորագրեցին Վրաստանի կրթության, գիտության, մշակույթի և սպորտի նախարարի տեղակալ Լեւան Խառատիշվիլին և Քութաիսիի քաղաքապետ Իոսեբ Խախալեիշվիլին, իսկ Եվրոպայի խորհրդի կողմից՝ Միացյալ բաժնեմասի համաձայնագրի գործադիր քարտուղար Ստեֆանո Դոմինիոնը:

2021 թվականի սեպտեմբերի 29-ից հոկտեմբերի 1-ը Քութաիսին կհյուրընկալի միջազգային ֆորումը:

Խորհրդատվական ֆորումը Եվրոպայի խորհրդի մշակութային երթուղիների ցանցի օպերատորների, միջազգային մշակութային ժառանգության և զբոսաշրջային կազմակերպությունների, տեղի և շրջանային իշխանությունների, քաղաքացիական հասարակության և մասնավոր հատվածի ամենամյա հանդիպումն է տուրիզմի, ժառանգության և մշակույթի ոլորտներում: Դա ամենակարևոր իրադարձությունն է մշակութային երթուղիների միջոցառումների ծրագրում:

Ստորագրման արարողությանը ներկա էր Վրաստանում Եվրոպայի խորհրդի գրասենյակի ղեկավար Նատալյա Վուտովան՝ որպես պատվավոր անդամ: Միջոցառմանը անցկացվեց նաև 2021 ֆորումի համար պատրաստված տեսահոլովակի շնորհանդեսը:

2016 թվականին Վրաստանը դարձավ «Եվրոպայի խորհրդի Մշակութային ուղիների ընդլայնված բաժնեմասի համաձայնագրի» 27-րդ անդամ պետությունը: Այս պլատֆորմը Եվրոպայի խորհրդի գերակա ուղղություններից մեկն է և նպատակ ունի ներկայացնել տարբեր երկրներ և մշակույթներ ընդհանուր մշակութային ժառանգության տեսանկյունից:

Տեղեկատվությունը տարածում է Վրաստանի կրթության, գիտության, մշակույթի և սպորտի նախարարությունը: