Քութաիսիի վերաքննիչ դատարանը վարույթ չի ընդունել Մզիա Ամաղլոբելիի նկատմամբ խափանման միջոցը փոխելու հայցը
Քութայիսիի վերաքննիչ դատարանը վարույթ չի ընդունել փաստաբանների հայցը՝ Մզիա Ամաղլոբելիի նկատմամբ խափանման միջոցը փոխելու վերաբերյալ։
Փաստաբանները Վերաքննիչ դատարանում բողոքարկում էին փետրվարի 14-ի որոշումը, որով Բաթումիի վերաքննիչ դատարանը նույնպես մերժել էր վերանայել խափանման միջոցը։
Ինչպես հայտարարել է Մզիա Ամաղլոբելիի փաստաբան Ջուբա Քաթամաձեն, այսօրվա որոշումը հերթական անօրինականությունն է Մզիա Ամաղլոբելիի գործով։
«Ինչպես վերջերս հաղորդվեց, Քութաիսիի վերաքննիչ դատարանի դատավոր Վերա Դոլիձեն անընդունելի է ճանաչել պաշտպանական կողմի միջնորդությունը։ Սա Մզիա Ամաղլոբելիի գործով հերթական անօրինական որոշումն է, որը կայացրել են դատարանները: Ազատազրկման անհրաժեշտությունը ապացուցող իրական հանգամանքներ կամ ապացույցներ չեն եղել»,- ասաց փաստաբանը։
Բաթումիի քաղաքային դատարանը ոստիկանի վրա հարձակման մեղադրանքով ձերբակալված Մզիա Ամաղլոբելիին որպես խափանման միջոց է դատապարտել մինչև հունվարի 14-ը։ Ամաղլոբելին այժմ բուժվում է Վիվամեդ կլինիկայում։ Նա երեկ դադարեցրեց հացադուլը։գ