Քութաիսիի Դավիթ Աղմաշենեբելի միջազգային օդանավակայանը «Մետաքսի ճանապարհի ֆորումի» շրջանակներում հյուրընկալել է տարբեր երկրների միջազգային լրատվամիջոցների ներկայացուցիչներին։ Տեղեկությունը տարածում է Վրաստանի օդանավակայանների միությունը։

Օտարերկրյա լրատվամիջոցները Վրաստանում են Զբոսաշրջության ազգային վարչության հովանու ներքո և «Մետաքսի ճանապարհի ֆորումին» զուգահեռ նրանք կպատրաստեն տարբեր հոդվածներ և ռեպորտաժներ երկրի համար ռազմավարական կարևոր օբյեկտների, ներդրումային և զբոսաշրջային ներուժի վերաբերյալ։

«Քութաիսիի օդանավակայանը շատ ավելի գեղեցիկ և մեծ է, քան 2019 թվականին, երբ ես առաջին անգամ ժամանեցի այս օդանավակայան։ Դրանից հետո այստեղ շատ բան է փոխվել: Դուք ունեք գեղեցիկ ձևավորված օդանավակայան»,- ասել է ամերիկյան «Forbes» հրատարակության լրագրող Ջորեսա Լետա Բլունտը՝ օդանավակայանը ուսումնասիրելու ժամանակ։

Քութաիսիի օդանավակայանի տնօրեն Գագա Սանիկիձեն միջազգային լրագրողներին մանրամասն տեղեկատվություն է տրամադրել թարմացված տերմինալի և դրա հնարավորությունների մասին։ Նա նաև ներկայացրել է ապագա նորությունները, որ Վրաստանի օդանավակայանների միությունը նախատեսում է Քութաիսիի միջազգային օդանավակայանում։