ՌԴ նախագահի թեկնածու առաջադրված հեռուստահաղորդավար Քսենյա Սոբչակը ներկայացրել է նախընտրական ծրագիրը: Այն կոչվում է «123 դժվար քայլ»:
Նա մասնակցել է «Քաղաքացիական նախաձեռնություն» կուսակցության համագումարին: Հենց քաղաքական այս ուժն էլ նրան առաջադրել է որպես նախագահի թեկնածու:
«Այսօր մեր երկրի կարևորագույն խնդիրը դարձել է իշխանությունների չփոխվելը»,- հայտարարել է նա ու նշել է, որ դա է սոցիալական առաջընթացի դանդաղելու, միջազգային մեկուսացման, տնտեսական ճգնաժամի պատճառը:
Ծրագրում ներառված է 123 դրույթ երկրի ներքին, արտաքին, սոցիալական ու տնտեսական քաղաքականության վերաբերյալ: