Եվրոպական խորհրդի նախագահ Շառլ Միշելի անձնական ներկայացուցիչ Քրիստիան Դանիելսոնը հանդիպում է ընդդիմադիր կուսակցությունների ներկայացուցիչների հետ:

Դանիելսոնը այս րոպեներին հանդիպում է ունենում «Լելո», «Ռազմավարությունը՝ շինարար», «Եվրոպական Վրաստան», «Ավելի շատ ազատություն – Գիրչի» և «Գիրչիի» ղեկավարների հետ:

Հանդիպմանը մասնակցում են նաև Վրաստանում ԵՄ դեսպան Կառլ Հարցելը և ԱՄՆ դեսպան Քելլի Դեգնանը:

Օրվա ընթացքում նախատեսվում է Դանիելսոնի հանդիպումը «Հայրենասերների դաշինքի», «Լեյբորիստական կուսակցության», «Քաղաքացիներ կուսակցության» ղեկավարների հետ:

Քրիստիան Դանիելսոնը երեկ Վրաստան էր ժամանել մի քանի օրյա այցով: Նա երեկ հանդիպել է Վրաստանի նախագահ Սալոմե Զուրաբիշվիլիի և վարչապետ Իրակլի Ղարիբաշվիլիի հետ: Դանիելսոնը հանդիպումներ է ունեցել նաև ՀԿ ներկայացուցիչների և «Միացյալ ազգային շարժման» անդամների հետ: